Маълумоти умумӣ

МАЪЛУМОТ ОИД БА ФАОЛИЯТИ МУАССИСАИ ТАЪЛИМИИ ДАВЛАТИИ “ЛИТСЕЙИ №2 БАРОИ ХОНАНДАГОНИ БОЛАЁҚАТ”-И ШАҲРИ ДУШАНБЕ
Муассисаи таълимии давлатии “Литсейи №2 барои хонандагони болаёқат”-и шаҳри Душанбе яке аз муассисаи типи нави пешқадам дар ҷумҳурӣ ба шумор рафта, мутобиқи қарори Раиси шаҳри Душанбе №488/6, аз 12.08.2010 дар замина собиқ гимназияи “Сарпараст” ҳудуди 2 гектар замин таъсис ёфтааст.
Муассисаи таълимӣ аз рӯйи иқтидори ғунҷоиш барои 950 нафар тарбиятгирандагон пешбинӣ гардидааст, айни ҳол дар он 960 нафар хонанда ба таҳсил фаро гирифта шудааст. Аз рўйи равияи табиӣ-риёзӣ (химия-биология) хонандагонро аз синфи 5 то 11 омода месозад.
Дар Литсей 53 нафар омӯзгорон бо маълумоти олии касбӣ кору фаъолият менамоянд, ки аз ин шумора 30 нафарашонро занон ташкил медиҳанд.
Бинои таълимии муассисаи мазкур бо ҳамаи шароитҳои зарурӣ таъмин буда, биноҳои яктабақа ва дутабақа мебошанд. Дар биноҳои он 37 синфхонаи фаннӣ, 34 кабинети фаннӣ (1 кабинети лингофонӣ, 1 кабинети маркази тестӣ, 1 кабинети химия, 1 кабинети физика, 1 кабинети таърих ва ҳуқуқ, 3 кабинети забон ва адабиёти тоҷик, 2 кабинети география, 3 кабинети забони русӣ, 4 кабинети забони англисӣ, 5 кабинети математика, 2 кабинети биология, 1 кабинети санати тасвирӣ, 1 кабинети суруд ва мусиқӣ, 2 кабинети технологияи таълими меҳнат ва ғайра) 1 майдончаи варзишӣ, 1 толори варзишӣ, 2 толори маҷлисгоҳ) ва дигар инфрасохтори зарурӣ муҷаҳҳаз гардонида шудааст.
Хонандагон ҳамчунин имкон доранд, ки технологияи компютерӣ ва забонҳои хориҷиро дар сатҳи зарурӣ аз худ намуда, аз озмоишгоҳҳои фанҳои дақиқ ва толори фарҳангӣ ба таври васеъ истифода намоянд.
Мушоҳидаҳо нишон медиҳанд, ки хонандагони Литсейи дорои донишҳои хуби техникиву технологӣ мебошанд.
Ҳар сол хонандагони муассиса дар олимпиадаҳои фаннии беруназмуассисавӣ сазовори ҷойҳои намоён мегарданд.
Бо мақсади баланд бардоштани сифати донишазхудкунии хонандагон ва истифода намудан аз технологияи замонавӣ муассиса бо 34 адад тахтаҳои электронӣ, зиёда аз 97 адад компютери корӣ, 95 адад камераҳои назоратӣ таъмин буда, барои истифодаи компютер ба сари 10 нафар хонанда як компютер рост меояд.
Бояд хотирнишон сохт, ки танҳо дар давоми 9 соли фаолият, тақрибан зиёда аз 870 нафар хонанда Литсейро бо муваффақият хатм намуданд, ки имрўзҳо дар шаҳру ноҳияҳои кишвар ва берун аз он мутобиқ ба касбҳои омўхтаашон фаъолияти меҳнатӣ менамоянд.
Муассиса тариқи Маркази гармидиҳии марказонидашудаии шаҳрӣ бо гармӣ таъмин мебошад.
Муассисаро директор роҳбарӣ намуда, дорои муовини директор оид ба корҳои таълимӣ, муовини директор оид ба корҳои тарбиявӣ, муовини директор оид ба илм ва иноватсия, муовини директор оид ба корҳои иқтисодӣ, равоншинос, ҳамшираи тиббӣ, кормандони педагогӣ, кормандони хоҷагӣ мебошад.

ШАРИКОНИ МО: