ҲУҶАСТА БОД НАВРӮЗИ АҶАМ!

Ба Суғду Рашту Хатлонам муборак бод Наврӯзӣ!

Ба Дарвозу Бадахшонам муборак бод Наврӯзӣ!

Ба шаҳри ваҳдату шодӣ, Душанбеи азизи мо,

Ба Кӯлобу Зарафшонам муборак бод Наврӯзӣ!

Ба насли Ориёву Оли Сомону Хуросонам,

Ба Эрону Ба Афғонам муборак бод Наврӯзӣ

Иди Наврӯз дар дунё ба бахти мо ҷаҳонӣ шуд,

Ба ҳар як фарди давронам муборак бод Наврӯзӣ!

Ҳамеша сабз бошад кош, баҳори умри волидон,

Ба модар, ҳам падарҷонам муборак бод Наврӯзӣ!

Чу рӯи дилбарам бошад баҳорон тозаву зебо,

Ба маҳрӯи хиромонам муборак бод Наврӯзӣ!

Либоси атласаш дар бар ва тоқии зараш дар сар,

Дило, мафтуни ҷононам, муборак бод Наврӯзӣ!

Садои чаҳ-чаҳи булбул ба гӯшам чун наво ояд,

Наво омад ба дудмонам муборак бод Наврӯзӣ!

Ба гулгашту хиёбон меравад ошиқ бо маъшуқ,

Ман ин асрор медонам муборак бод Наврӯзӣ!

Зи мавҷи шӯхи дарёҳо суруди Ишқ  мехезад,

Ба Варзоби хурӯшонам муборак бод Наврӯзӣ!

Ба Роғун шамси бахти мо, ба Вахши рӯшнойизо,

Ба Норак, нури виҷдонам муборак бод Наврӯзӣ!

Зимистон рафту ман аз нав баҳори дигаре дидам,

Сипос, аз доди раҳмонам муборак бод Наврӯзӣ!

Ба дастам парчами меҳан тамоми ҳамватан дар бар,

Ғазалхону навохонам муборак бод Наврӯзӣ!

Шамидам атри гулҳоро ба гулрух ҳадя кардам гул,

Расидам ман ба армонам муборак бод Наврӯзӣ!

Гаҳе чун Сир оромам,гаҳе чун Ому рақсонам,

Ватан, девори имонам муборак бод Наврӯзӣ!

Гулафшон доимо бошад баҳори сабзи истиқлол!

Ало ҷон Тоҷикистонам муборак бод Наврӯзӣ!

 

Омад-омади Наврӯзи фархундапайро ба тамоми мардуми шарифи Тоҷикистон самимона табрику муборакбод мегӯем. Бигзор Наврӯзи некпай ба хонадони ҳар як тоҷикистонӣ шодию сурур ва бахту иқболи баланд орад. ҲУҶАСТА БОД НАВРӮЗИ АҶАМ. ҲУМОЮН БОД ИН ҶАШНИ АҶДОДӢ!

Сканировать10002 Сканировать10001

 

 

Комментирование на данный момент запрещено, но Вы можете оставить ссылку на Ваш сайт.

Комментарии закрыты.

ШАРИКОНИ МО: